PARADOXICAL
The faith chroniclesSunday, May 17, 2026
Message to Graduating Class of 2024: “Mabuti na lang Talaga!”
Message to Graduating Class of 2024: “Mabuti na lang Talaga!”
Una sa lahat, congratulations sa inyong lahat sa inyong pagtatapos. Hindi biro ang inyong pinagdaanan marating lamang ang natatanging araw na ito. Pagod, puyat, saya, katatawanan, hiya, lungkot, pag-iyak, kaba, pagtitiis, tiyaga, gastos, pagtitipid, marahil kasama na riyan pati ang poot o galit. At siyempre kasama niyo rito, hindi lang ang mga kaklase, kundi pati mga guro at magulang at buong pamilya.
Graduate na nga kayo talaga, kaya naman kitang-kita na espesyal ang okasyong ito, mula sa naging paghahanda hanggang sa inyong kausotan. Ang mga ito ay hudyat na napagtagumpayan ninyo ang isang mahalagang kabanata sa inyong buhay.
Pagkatapos nito ay iiwan na ninyo ang kinalakihan (at sana ay kinagiliwan din) na paaralan. Bukas, hindi na kayo ulit papasok sa inyong dating klase. Hindi na magbabalik pa ang mga nagdaang araw, kaya’t mabuti naman at inispend ninyo ito sa makabuluhang paraan. Mabuti na lang, dahil kundi hindi, ay hindi kayo mapapabilang sa hanay ng mga magsisipagtapos ngayon.
Ngunit tandaan ninyo na ang chapter na inyong tinapos ay isang hakbang lamang sa inyong pagtahak sa buhay. Naumpisahan niyo ang mga mahalagang unang hakbang. This accomplishment entitles you to continue on with your journey in life to the next level.
Para saan nga ba at kayo ay nag-aral? Let us delve a bit into the philosophy and theology behind education. Dahil ba pinilit lang kayo ng inyong mga magulang? Dahil gusto niyo lang na masaya sila? O dahil ito ay gusto niyo rin? Siguro naman ito ay dahil gusto niyo talagang matuto ng mga dapat matutunan sa buhay? Malaman ang tama at mali? Matuto ng wastong kaugalian? Malaman ang katotohanan? Magkaroon ng laman ang utak? Mabuksan ang kaisipan? Maging buo o kumpleto ang pagkatao? At maging best version of yourselves? Magkaroon ng pangarap sa buhay at matupad iyon? Magkaroon ng pangalan, magkaroon ng titulo, at maging kapitapitagan? At tulad ng maraming Pilipino, maiangat ang pamilya sa kahirapan?
Iyan ang mga hula kong mga purpose niyo sa pag-aaral. Sa ating pagtahak sa landas ng edukasyon, sari-sari ang ating adhikain at puro malalalim ang dahilan. Mainam kung gayon na tanungin ang inyong mga sarili bakit nga ba kayo nag-aral. Malamang sa hindi, ang sagot ay para may marating sa buhay. Karaniwan kasi, nakakalungkot man, kapag wala kang natapos, mahihirapan kang makahanap ng magandang trabaho, unless madiskarte ka sa buhay o sadya lang masuwerte o pinagpala.
Siguro naman ang susunod na magandang itanong ay ano ba ang gusto niyong marating? Ano ba ang inyong pangarap sa buhay?
Ako ay minsan ding naging kayo. Batang-bata, nangangarap ng matayog na pangarap, ngunit di sigurado kung ano ang gagawin sa buhay na ipinagkaloob sa akin ng Diyos. Mabuti naman at di ako sigurado, dahil because of that, naging open-minded ako.
Parang gusto ko kasi noon na maging duktor, ngunit parang di naman kakayanin ang gastos. Kaya’t binuksan ko ang aking sarili sa kung ano pa ang posible.
Sa gitna ng kakulangan sa buhay, don’t stop to dare to ask yourself what is possible. Sabi nga nila, kung nasaan ang krisis, doon nakatago ang oportunidad.
Kahit alam kong tagilid, ako pa rin ay nagbakasakali, kaya’t isa sa pinili ko ang kursong Biology, at doon naman ako pumasa. Life is full of options, full of opportunities, at ikaw ang pipili dun. Life is full of surprises din, kaya’t nasa sa 'yo na 'yun kung susunggaban mo ang mga ito. Ikaw ang susulat at bubuo ng sarili mong istorya, hindi ang barkada mo, hindi ang magulang mo. Ang mga magulang ang siyang gagabay sa yo, ngunit malaya ka dapat na pumili ayon sa iyong sariling discernment, base na rin sa iyong kagustuhan, abilidad, available na resources, at circumstances.
In my case, nabigo ako sa pangarap na maging duktor, ngunit di naman ako naging bitter at di ako nanisi ng magulang. Tinanggap ko yun as God’s will kasi pinalaki akong may paniniwala at takot sa Diyos. At dahil na rin siguro sa grasya ng Diyos, I held on to the hope that "when God closes the door, He opens the window." In fairness, alam ko naman ang aking gusto; ang problema lang ay marami akong gusto, dahil napakarami kong interes. Subalit nagtanong din ako sa Diyos kung ano ba ang gusto niya para sa akin. Marahil ako ay talagang palatanong, kaya lagi akong nagtatanong noon kung ano ba ang papel ko sa mundong ibabaw. Ano naman kaya ang panama ko sa dinami-dami ng taong magagaling, sa napakaraming mga eksperto? Sa dinami-dami ng tao sa mundo, ano nga ba ang role ko?
Ewan ko kung ano ang itinuro sa inyo, pero sana hindi naman kayo paladesisyon. Sana ay magtanong din kayo, mangalap ng advice, lalo na sa Diyos. After all, di naman ninyo hawak ang inyong buhay – ito ay hiram lang natin. Baka kasi yung gusto niyo sa sarili ay di naayon sa plano niya sa inyo.
Medyo nakakatawa ang aking talambuhay, kasi ito ay naiiba sa nakararami. (Kaya’t unahan ko na kayo – never kong sasabihin na gayahin ninyo ito. May kanya-kanya tayong daang tatahakin. May kanya-kanya tayong tawag o call.) Ang naging problema lang… noong binuksan ko ang aking kalooban sa Diyos, ayoko naman lagi ang kanyang sagot. Siyempre, dahil galing ako sa mahirap na pamilya gaya ng karamihan sa atin, gusto ko ay yumaman agad, at tingin ko ay deserve ko naman iyon. Kung kailangang sumikat para yumaman, o di sige. Ngunit halos lahat ng napasok kong trabaho, sa pagsusulat ako lagi nauuwi. Sa pagsusulat ako laging sinisiksik ng tadhana. Naumay ako dito ng ilang beses dahil sa hirap ng trabaho at sa liit ng sahod, kaya’t maya’t-maya ako ay nagrerebelde. Nag-apply sa iba. Hindi ako nawawalan ng sideline. Bata pa naman ako nun, kaya pa-explore-explore, lalo na’t napakaraming options sa Maynila. Ang dami kong triny na trabaho.
Ganun din sana kayo, at least in terms of: Huwag matakot mag-explore at diskubrehin kung ano ang bagay sa inyo. May kasabihan tayo, “Kung hindi uukol, hindi bubukol.” Dun ka sa nauukol.
In my case, kahit obvious na na I should stay put, tinatakasan ko pa rin. Pero sa bandang huli, dun pa rin at doon ako nauuwi. Alam ninyo, napakalawak pala ang mundo ng pagsusulat. Parang medisina rin -- kanya-kanya ng specialization; sari-sari ring sakit sa pagsusulat ang idadiagnose at gagamutin. In contrast to the prevailing competitive mindset of our society, there’s enough to go around for everyone. Maraming opportunities, lalo na ngayon na uso ang online jobs. Halos lahat naman kasi ng negosyo o kumpanya, nangangailangan ng marunong magsulat.
Minsan, matapos ang ilang mahabang taong pagtatrabaho bilang writer in various capacities, nawalan ako ng trabaho dahil biglang naghigpit si (former US President) Obama sa offshore work, at imbes na malungkot ay medyo natuwa pa ng konti. Finally, makakawala na rin ako sa mundo ng writing. Hulaan ninyo kung ano ang sumunod na nahanap kong trabaho?
Dahil sa tagal ko na sa pagususulat (in fact, isang encyclopedia na ata ang aking nasusulat), ako ngayon ang hinahanap ng trabaho. Totoo po yan. Dumating ako sa point na kailangan ko nang tanggihan ang mga offer. Kasi naman, hindi naman ganun kadaling magsulat eh lalo kung madalian. Lalo na’t maingat ako sa pagsusulat dahil alam kong madaling magkamali. Subukan niyo rin kaya? Tignan ko lang kung papasa kayo sa akin! Haha.
So ganyan ang aking naging kwento. Ako na ngayon ang laging hinahabol ng trabaho lalo na riyan sa Munisipyo. (Sorry po, Mayor; sorry, Atty. Haha!)
Kaya find your own purpose in life. Discover your niche – kung pwede sana, yung ikaw ang hahabul-habulin balang araw.
Sabi nila, “Pag may tiyaga, may nilaga.” “Pag maiksi ang kumot, matutong mamaluktot.” Pag maiksi ang sinturon, higpitan ito para magkasya. Well, nagbunga naman sa wakas ang aking matinding pagtitiyaga.
Di man ako mayaman o sikat na tao ngayon, o tinitingala or respetado ng gaya ng aking inaasahan ayon sa pamantayan ng ating lipunan, meron naman akong isang bagay na napagtagumpayang galingan kahit papano, kahit wala man lang sa aking hinagap. Napatanong ako minsan kung ano ba ang ibig sabihin ng success, at kung maituturing ko sa aking sarili na ako ba ay successful. I eventually realized that success is highly subjective. In my case, mayroon akong at least isang specialty. At napagtanto kong kahit hindi ako naging mayaman, mayaman naman ako sa maraming mga bagay na hindi materyal ngunit mahalaga.
Another thing I like about writing, or at least the kind of writing I do, is that I am not boxed in a single field, but I work in as much as many fields I can manage to handle. Masaya ako sa ginagawa ko kasi I am continuously learning a lot of things; masaya akong maraming ndidiskubre na hindi ko pa alam.
Noong dekada '80 (ata yun), may sumikat na kanta, yung “Dito Ba?” ni Kuh Ledesma. Ako ay nagpapasasalamat dahil meron akong peace of mind ngayon pagdating sa career. Ito marahil ay dahil eventually natuto kong i-embrace kung saan ako laging napapadpad. I have even learned to be thankful to the doors that closed on me, which led me knocking on other doors. Simula noon, hindi na ako masyadong nagtatanong kung dito ba, kung dito nga ba ako dapat. Mabuti na lang ay para akong isang Rite-Med ad noon: di nahiyang magtanong. Kumonsulta sa mas marurunong. Mabuti na lang at nagtanong ako. Mabuti na lang at sumunod ako, kahit minsan ay masama ang loob ko.
Sana sa pagtuntong niyo sa mga susunod na kabanata ng inyong buhay, masabi niyo ring, “Buti na lang talaga!”
Makalimutan niyo man lahat ng sinabi ko sa araw na ito, huwag kayong makakalimot na, “It doesn’t matter how you began as much as how you ended up.” Life can be quite unpredictable sometimes. Fortunate are you then who have proper education, because you are armed with an important tool. But formal education is just among the weapons available; there are others out there. But the most important of all is where you base your own identity; for me, the basis is that we -- you and I -- are children of God. Without this core identity, the rest of our identity is mere sinful pride and vanity. In the eyes of God, everyone is important, and with your education, you are all expected to have a unique and special role to play.
In the midst of life's unpredictable nature, as this quote I saw on the Internet wisely puts it, "Do your part by taking care of the possible. Let God do His part by taking care of the impossible."
Sana sa hinaharap, magkita-kita ang mga miyembro ng inyong batch at magsasabi ng walang iba kundi --- “Mabuti na lang talaga!” At “Salamat sa Diyos!”
May the world open wide its doors and windows for each one you, so you can find your place in the sun. And may they close tight kung ito ay mauuwi lang sa inyong kapahamakan.
Isa nawang makabagbag-damdaming pagtatapos sa inyong lahat! And by the way, ang speech na ito ay hindi AI-generated. Maraming salamat sa pag-imbita at pakikinig.
Archives
01/01/2004 - 02/01/2004 02/01/2004 - 03/01/2004 03/01/2004 - 04/01/2004 04/01/2004 - 05/01/2004 05/01/2004 - 06/01/2004 06/01/2004 - 07/01/2004 07/01/2004 - 08/01/2004 08/01/2004 - 09/01/2004 09/01/2004 - 10/01/2004 10/01/2004 - 11/01/2004 11/01/2004 - 12/01/2004 12/01/2004 - 01/01/2005 01/01/2005 - 02/01/2005 02/01/2005 - 03/01/2005 03/01/2005 - 04/01/2005 04/01/2005 - 05/01/2005 05/01/2005 - 06/01/2005 06/01/2005 - 07/01/2005 07/01/2005 - 08/01/2005 08/01/2005 - 09/01/2005 09/01/2005 - 10/01/2005 10/01/2005 - 11/01/2005 11/01/2005 - 12/01/2005 12/01/2005 - 01/01/2006 02/01/2006 - 03/01/2006 03/01/2006 - 04/01/2006 04/01/2006 - 05/01/2006 05/01/2006 - 06/01/2006 06/01/2006 - 07/01/2006 07/01/2006 - 08/01/2006 08/01/2006 - 09/01/2006 09/01/2006 - 10/01/2006 10/01/2006 - 11/01/2006 11/01/2006 - 12/01/2006 12/01/2006 - 01/01/2007 01/01/2007 - 02/01/2007 02/01/2007 - 03/01/2007 03/01/2007 - 04/01/2007 04/01/2007 - 05/01/2007 05/01/2007 - 06/01/2007 06/01/2007 - 07/01/2007 07/01/2007 - 08/01/2007 08/01/2007 - 09/01/2007 09/01/2007 - 10/01/2007 10/01/2007 - 11/01/2007 11/01/2007 - 12/01/2007 12/01/2007 - 01/01/2008 01/01/2008 - 02/01/2008 02/01/2008 - 03/01/2008 03/01/2008 - 04/01/2008 04/01/2008 - 05/01/2008 05/01/2008 - 06/01/2008 06/01/2008 - 07/01/2008 07/01/2008 - 08/01/2008 08/01/2008 - 09/01/2008 09/01/2008 - 10/01/2008 10/01/2008 - 11/01/2008 11/01/2008 - 12/01/2008 12/01/2008 - 01/01/2009 01/01/2009 - 02/01/2009 04/01/2009 - 05/01/2009 05/01/2009 - 06/01/2009 06/01/2009 - 07/01/2009 07/01/2009 - 08/01/2009 08/01/2009 - 09/01/2009 09/01/2009 - 10/01/2009 10/01/2009 - 11/01/2009 11/01/2009 - 12/01/2009 01/01/2010 - 02/01/2010 02/01/2010 - 03/01/2010 03/01/2010 - 04/01/2010 04/01/2010 - 05/01/2010 05/01/2010 - 06/01/2010 06/01/2010 - 07/01/2010 07/01/2010 - 08/01/2010 08/01/2010 - 09/01/2010 09/01/2010 - 10/01/2010 11/01/2010 - 12/01/2010 01/01/2011 - 02/01/2011 02/01/2011 - 03/01/2011 03/01/2011 - 04/01/2011 04/01/2011 - 05/01/2011 05/01/2011 - 06/01/2011 06/01/2011 - 07/01/2011 07/01/2011 - 08/01/2011 08/01/2011 - 09/01/2011 09/01/2011 - 10/01/2011 10/01/2011 - 11/01/2011 11/01/2011 - 12/01/2011 12/01/2011 - 01/01/2012 02/01/2012 - 03/01/2012 03/01/2012 - 04/01/2012 04/01/2012 - 05/01/2012 05/01/2012 - 06/01/2012 06/01/2012 - 07/01/2012 07/01/2012 - 08/01/2012 08/01/2012 - 09/01/2012 09/01/2012 - 10/01/2012 10/01/2012 - 11/01/2012 11/01/2012 - 12/01/2012 12/01/2012 - 01/01/2013 01/01/2013 - 02/01/2013 02/01/2013 - 03/01/2013 03/01/2013 - 04/01/2013 04/01/2013 - 05/01/2013 05/01/2013 - 06/01/2013 06/01/2013 - 07/01/2013 07/01/2013 - 08/01/2013 08/01/2013 - 09/01/2013 09/01/2013 - 10/01/2013 10/01/2013 - 11/01/2013 11/01/2013 - 12/01/2013 12/01/2013 - 01/01/2014 01/01/2014 - 02/01/2014 02/01/2014 - 03/01/2014 03/01/2014 - 04/01/2014 04/01/2014 - 05/01/2014 05/01/2014 - 06/01/2014 06/01/2014 - 07/01/2014 07/01/2014 - 08/01/2014 10/01/2014 - 11/01/2014 11/01/2014 - 12/01/2014 01/01/2015 - 02/01/2015 03/01/2015 - 04/01/2015 04/01/2015 - 05/01/2015 05/01/2016 - 06/01/2016 07/01/2016 - 08/01/2016 08/01/2016 - 09/01/2016 02/01/2018 - 03/01/2018 03/01/2018 - 04/01/2018 07/01/2018 - 08/01/2018 04/01/2019 - 05/01/2019 05/01/2019 - 06/01/2019 09/01/2019 - 10/01/2019 02/01/2020 - 03/01/2020 04/01/2020 - 05/01/2020 05/01/2020 - 06/01/2020 06/01/2020 - 07/01/2020 07/01/2020 - 08/01/2020 08/01/2020 - 09/01/2020 09/01/2020 - 10/01/2020 01/01/2021 - 02/01/2021 10/01/2021 - 11/01/2021 11/01/2021 - 12/01/2021 12/01/2021 - 01/01/2022 05/01/2022 - 06/01/2022 06/01/2022 - 07/01/2022 08/01/2022 - 09/01/2022 10/01/2022 - 11/01/2022 02/01/2023 - 03/01/2023 08/01/2023 - 09/01/2023 10/01/2023 - 11/01/2023 12/01/2023 - 01/01/2024 01/01/2024 - 02/01/2024 02/01/2024 - 03/01/2024 05/01/2024 - 06/01/2024 07/01/2024 - 08/01/2024 08/01/2024 - 09/01/2024 09/01/2024 - 10/01/2024 10/01/2024 - 11/01/2024 11/01/2024 - 12/01/2024 01/01/2025 - 02/01/2025 03/01/2025 - 04/01/2025 04/01/2025 - 05/01/2025 05/01/2025 - 06/01/2025 06/01/2025 - 07/01/2025 07/01/2025 - 08/01/2025 08/01/2025 - 09/01/2025 09/01/2025 - 10/01/2025 10/01/2025 - 11/01/2025 11/01/2025 - 12/01/2025 12/01/2025 - 01/01/2026 01/01/2026 - 02/01/2026 02/01/2026 - 03/01/2026 03/01/2026 - 04/01/2026 04/01/2026 - 05/01/2026 05/01/2026 - 06/01/2026
Subscribe to Posts [Atom]